दुर्गालक्ष्मीमा प्राकृतिक जीवनशैली मार्फत स्वास्थ्य सुधार विषयक प्रशिक्षण संगै पाेडकाष्ट संचालन
प्रकाशित मिति : 31 May, 2025
अत्तरिया : कैलालीकाे अत्तरियामा रहेकाे दुर्गालक्ष्मी नमुना माध्यमिक विद्यालयकाे आयोजनामा “प्राकृतिक जीवनशैलीमा आधारित, भान्सा बदलेर स्वस्थ हुने उपाय” विषयक एक दिवसीय प्रशिक्षण कार्यक्रम भव्यरुपमा सम्पन्न भएको छ।
शनिबार (अाज) बिहान सुरु भएको उक्त कार्यक्रममा पञ्चगव्य सिद्ध लीला श्रेष्ठले प्रशिक्षण दिनुभएको छ। उनले प्राकृतिक तरिकाबाट जीवनशैली परिवर्तन गर्दै स्वस्थ रहन सकिने उपायहरूको व्याख्या गर्नुभयो। विशेष गरी खानपानमा गरिने साना–साना परिवर्तनले दीर्घकालीन रूपमा स्वास्थ्यमा ठूलो सुधार ल्याउन सकिने कुरामा उहाँले जोड दिनुभएकाे थियाे।
प्रशिक्षणमा दुर्गालक्ष्मी नमुना मा.वि.का शिक्षक, शिक्षिका, अभिभावक तथा स्थानीय बासिन्दाहरूको सहभागिता रहेको थियो। कार्यक्रममा सहभागीहरूले प्राकृतिक चिकित्सा, आहार संयम तथा जीवनशैली सुधारको अभ्यासले रोग प्रतिरोधात्मक क्षमता बढाउने विश्वास व्यक्त गरेका थिए।
विद्यालय ब्यबस्थापन समितिका अध्यक्ष गणेश शाहले आगामी दिनमा यस्ता ज्ञानमूलक तथा व्यवहारिक प्रशिक्षण कार्यक्रमहरू निरन्तर आयोजना गर्ने प्रतिबद्धता जनाउनु भएको थियो ।
विद्यालयकाे ‘डिएलएस टक’ पोडकाष्ट उद्घाटन`
आज नै बिद्यालयले डिएलएस टक पोडकाष्ट्लन्च गरेको छ । गेटा अस्पतालका निर्देशक प्रमोद यादव र पंजगब्य सिद्ध लीला श्रेष्ठले “डिएलएस टक” सार्वजनिकरण गर्नु भएको हो ।
‘भ्वाइस अफ दुर्गालक्ष्मी’ स्लोगन राखिएको यस पोडकाष्टमा विद्यालयका पुर्व अध्यक्षहरु,पुर्वविद्यार्थिहरु तथा विभिन्न व्यक्तिहरू सँग कुराकानी गरिने अध्यक्ष गणेश शाहको भनाइ छ ।
कैलालीकाे अत्तरियामा रहेकाे दुर्गालक्ष्मी नमुना मा वि द्वारा अाफ्नै पोडकास्ट इण्ट्रो सार्वजनिक गरेकाे छ । याे पाेडकाष्ट ईण्टाे संचालनमा ल्याउने अाफ्नाे विद्यालय नेपालकै पहिलाे सामुदायीक विद्यालय भएकाे समेत अध्यक्ष शाहले दावीगरेका थिए ।
