स्व. टिकादत्त जोशीको १५ औँ दिनको अवसरमा शाेकसभा समपन्न
अत्तरिया : कैलालीको अत्तरियामा रहेको साना सहरी खानेपानी तथा सरसफाइ उपभोक्ता संस्थाका अध्यक्ष स्व. टिकादत्त जोशीको १५ औँ दिनको पुण्यतिथिको अवसरमा शोक सभा आयोजना गरिएको छ । बिहीबार गोदावरी नगरपालिका – ४ ले शोक सभाको आयोजना गरेको हो ।
शोक सभामा प्रमुखअतिथिका रुपमा उपस्थित गोदावरी नगरपालिकाका नगरप्रमुख वीरेन्द्र भट्टले स्व. टिकादत्त जोशी समाज डोहर्याउने व्यक्तित्व भएको बताए । ‘वहाँको बारेमा जति भने पनि कम नै हुन्छ । वहाँ २०३६ सालताका अत्तरियामा २/३ जनामा पर्नुहुन्थ्यो । जो विभिन्न संघसस्था चलाउनु भएको थियो’ उनले भने ‘ वहाँ सामाजिक व्यक्तित्वको रूपमा यस समाजलाई डोहर्याउने व्यक्तित्व हुनुहुन्थ्यो टिकादत्त ।’ उनले गोदावरीले एक असल अभिभावक गुमाएको बताए ।
गोदावरी नगरपालिका– ४ का वडाध्यक्ष तथा शेकसभाका सभाध्यक्ष हेमप्रकाश मल्लले टीकादत्त जोशीको निधनले समाजको खम्बा ढलेको महसुस भएको बताए । स्व. जाेशीले अत्तरियाका विभिन्न संघसंस्था, समाज टोल शोकाकुल भएको बताए । ‘ वहाँले विभिन्न संघसस्थामा आबद्ध भएर सेवा गर्दै आउनु भएको थियो’ उनले भने ‘वहाँ आफू आबद्ध नभएको संस्थालाई पनि अगाडि बढाउन भूमिका खेल्नुहुन्थ्यो । वहाँ कहिले घमन्ड नगर्ने मिलनसार व्यक्तित्व हुनुहुन्थ्यो ।’
कांग्रेस युवा नेता लोक राज पाण्डे (आगो) ले टिकादत्त जोशी कांग्रेसको मात्रै नभएर समाजको एक खम्बा भएको बताए । उनले टीकादत्त जोशी समाजको एक योद्धा भएको बताए । ‘हामीले पनि वहाँजस्तै समाज रुपान्तरणमा लागेर वहाँप्रति सच्चा श्रद्धाञ्जली दिएको मानिन्छ’ उनले भने ‘हामीले मृत्यु पश्चात् गुणगान गाउने गरिए पनि टिकादत्तले भने समाजका लागि योगदान गरे अनुसारको पार्टीबाट न्याय पाउनुभएन ।’ गोदावरी नगरपालिका – ४ निवासी ६९ वर्षीय जोशीको फागुन १५ गते निधन भएको थियो । यसैगरि अाज विहान मात्रै गाेदावरीकाे वास्काेटा खानेपानी उपभाेक्ता समिति ले पनि एक कार्यक्रमका विच जाेशीकाे शाेकसभा गरेकाे छ । शाेकसभामा उक्त खानेपानी संस्थाले स्व जाेशीका परिवारलाई २५ हजार काे चेक हस्तान्तरण गरि सहयाेग गरेकाे खानेपानी अध्यक्ष हेमप्रकास मल्लले वताएका थिए ।
