रत्गैया परिवारवाट पहिलो पटक मन्त्री वनेकी चुनकुमारी
सामान्य मुक्त कमैया परिवारमा जन्मेकी चुनकुमारी त्यस भित्रको आफ्नै समुदायको रत्गैगा परिवारभित्रकी नेतृ हुन् । उनी अब सबै राजनीतिक दलभित्र रहेका आफ्ना समुदायका व्यक्तिलाई राज्यका हरेक निकायमा सहभागिता जनाएर नेतृत्व लिनुपर्छ भन्ने अभियानमा क्रियाशिल छिन् । रत्गैया परिवारका विषयमा उनीसंग फारवेष्ट खबरका लागी हेमन्त अवसथीले गरेको कुराकानीमा आधारित भनाई :
रत्गैया परिवारबाट म सुदूरपश्चिम प्रदेशबाट पहिलो राज्य मन्त्रीसम्म भएकी हुँ । प्रत्येक वर्ष हाम्रो रत्गैया समाजको केन्द्रीय सम्मेलन हुन्छ । दाङ,बाँके,बर्दिया सम्मेलन ग¥यौँ । गत वर्ष कैलालीमा सम्मेलन गर्यौँ । अब कञ्चनपुरको बेलौरीमा गर्ने तयारी गरेका छौँ । केन्द्रीय सम्मेलनमा कम्तिमा १० हजार जनताको सहभागिता हुने गरेको छ । हामी रत्गैया परिवार एक हौँ । हामी एक भएर जानुपर्छ भन्ने छ । हाम्रो रहनसहन र रीतिरिवाज बेग्लै छ । राजनीति वा कर्मचारीमा हाम्रो परिवारमा धेरै जनाले प्रगति गर्दै गएका छन् ।
हाम्रो परिवारभित्रका धेरैलाई राजनीतिमा ल्याउने,विभिन्न सरकारी पदमा आउन उनीहरुलाई प्रोत्साहन गर्ने हाम्रो कार्यकम छ । हामीले आफ्नै परिवारलाई चिन्न सकेका छैनौँ । कहिलेकाहीँ आफ्नै परिवारभित्र विवाह हुने सम्भावना हुन्छ । अहिले राजनीतिक जल्दोबल्दो अवस्थामा के देखिन्छ भने आफ्नो जाति समुदाय,वर्गलाई लिइरहेका हुन्छन् । हामी चौधरीमा रत्गैया भएको कारणले हाम्रो परिवारमा सकेसम्म अगाडि बढाउनका लागि रत्गैया परिवारले पहल गरिरहेको हुन्छ ।
आगामी चुनावमा रत्गैया परिवारबाट प्रतिनिधित्व गर्नका लागि हामीले काम गरिरहेका छौँ । हाम्रो सम्मेलन भेटघाट पनि हौसला प्रदान गर्नका लागि गर्ने गरेका छौँ । सम्मेलनमा हामी खर्च व्यवस्थापन पनि आफ्नै परिवारबाट गर्ने गर्छौ, सरकारसँग गुहार्दैनौँ । भोलि निर्वाचनामा जान पनि आफ्नो जनसंख्या कति छ भन्ने चाहिन्छ । हामीले आफ्नो परिवारको तथ्यांक पनि लिने काम गरिरहेका छौँ ।
रत्गैया समाजका युवायुवतीलाई लोकसेवाको तयारी गर्नका लागि हामीले हौसला दिने गरेका छौँ ।
रत्गैया परिवारलाई अलगै बजेट छुट्याएर हामी काम गर्दैनौँ । म सुदूरपश्चिको भौतिक पूर्वाधार राज्यमन्त्री हुँदा पनि रत्गैया परिवारका लागि भनेर अलग्गै मैले बजेट छुट्याएन । देश र समाजको समग्र विकासका लागि काम गरियो । हाम्रो मान्यता हाम्रो परिवार एकजुट हुनुपर्छ भन्ने हो ।
रत्गैया परिवारलाई पनि हेर्ने हो तर समग्र समाजलाई पनि हेर्ने हो । देशमा रत्गैया परिवारले पनि नेतृत्वमा जानुपर्छ भन्ने मान्यता हो । अन्य समुदायले पनि विभिन्न समाज निर्माण गरेका हुन्छन् । हामीले पनि चौधरी समुदायभित्र रहेको रत्गैया परिवारको समाज बनाएका हौँ । यस वर्ष हाम्रो समाजको सम्मेलन कञ्चनपुरको बेलौरीमा हुने छ । यसका लागि वृहत छलफल,टोलटोलमा प्रचारप्रसार गर्ने काम भइरहेको छ ।
हामीले रत्गैया परिवारका मानिसलाई सकेसम्म तीन तहका सरकारमा प्रतिनिधित्व गराउनका लागि राज्यका हरेक निकायमा चुनाव लड्ने,पार्टी जुनसुकै भएपनि हाम्रो प्रतिनिधित्व हुनपर्छ भन्ने मान्यता हो । राजनीति र समाज सेवामा सधै क्रियाशिल चौधरी कैलाली क्षेत्र नम्बर ४ की कम्युनिष्ट विचारधाराकी चर्चित नेतृ हुन् ।
