परम्परागत नृत्य र खेलकुदकाे प्रोत्साहन गर्नेगरी एपेक्स एकेडेमीले मनायाे १५ वार्षिकोत्सव

जस अन्तरगत विद्यालयले वार्षिकोत्सवको अवसरमा परम्परागत खेलकुद बाघचाल, डन्डी बियो लगायतका खेलकुद खेलाएको थियो । त्यस्तै वार्षिकोत्सवमा अधिकांश कला, संस्कृति झल्कने नृत्यहरू प्रस्तुत गरिएको थियो ।

विद्यालयका प्रिन्सिपल समीर महराले आधुनिक प्रविधिको प्रयोग गर्दै परम्परागत खेलकुद, नृत्य, पेसा प्रति विद्यार्थीलाई आकर्षित गर्न यस्तो गरिएको बताए । महराले एकेडेमीले कृषिको प्रवर्धनका लागि विद्यालयले विशेष कृयाकलाप गर्दै आएको बताए । ‘कृषि प्रधान देशमा हामीले बालबालिकाहरूलाई रोजगार सँग जोड्न सक्यौ भने सबै बालबालिका रोजगार बन्न सक्छन्’ उनले भने ‘जुन देशमा जे सम्भावना छ त्यो देशले त्यस देशका बालबालिकालाई त्यही काममा प्रोत्साहन गर्ने हो ।’ उनले दसैँ तिहारको बिदामा पनि विद्यालयले  गृहकार्यमा तरकारीका बीउ दिएर उत्पादन गर्न लगाइएको बताए ।

एकेडेमीका अध्यक्ष मदन राज शर्माको सभाध्यक्षता सम्पन्न वार्षिकोत्सव कार्यक्रममा गोदावरी नगरपालिका – ४ का वडाध्यक्ष हेम प्रकाश मल्ल प्रमुख अतिथि रहेका थिए । साहित्यकार निर्मल कुमार भण्डारीलाई सुदूरपश्चिमको साहित्य क्षेत्रमा पुगाएको योगदानको कदर गर्दै विद्यालयद्वारा विशेष सम्मान गरिएको थियो । कार्यक्रममा यश क्षेत्रका विभिन्न विद्यालयका प्राचार्यकाे समेत सहभागिता रहेकाे थियाे । अधिकास युवावर्गले संचालनमा ल्याएकाे एपेक्स एकेडेमिले कार्यक्रमकाे अन्तमा सुदुरपश्चिमका डेउडा गितहरुमा शिक्षक तथा अन्यसहभागीहरुले सयुक्तरुपमा विशेष मनाेरञ्जन गरेका थिए ।