अत्तरिया : नेकपा एमालेका पुर्व प्रदेश कमिटी सदस्य कृष्णराज सुबेदी र भीष्मराज सुवेदीले डा .भिम रावललाई भेटेकै कारण आफुहरुलाई कार्बाही को लागि सिफारिस गरिएको हुनसक्ने आशंका व्यक्त गरेका छन् ।
शनिबार अत्तरियामा पत्रकार सम्मेलन को आयोजना गर्दै सुवेदीलेे यस्तो बताएका हुन् । “डा. भिम रावललाई हामीले भेट्दा कार्बाही हुनुपर्ने कारण के छ ? मलाई कार्बाही सिफारिस गर्दा सामान्य स्पष्टीकरण समेत सोधिएको छैन । रावललाई एमालेका नेता कार्यकर्ता ले भेटनै नहुने अबस्थामा पुगेको हो र । डा .रावल के देशद्रोही भैसकेका हुन् र ? यो स्वेच्छाचारी र निरकंशताको पराकाष्ठा हो ,” उनले भने ।
सुबेदीले नेकपा एमाले अफ्ट्यारोमा पर्दा आफुले समाजबादीले दिएको अफर समेत अस्वीकार गरेको वताए ।
“एमाले नै मैले पहिलो रोजाइ को पार्टी माने त्यसपछि पनि निरन्तर मलाई भुमिका बिहिन बनायो । तर पनि म अबिचलित रूपमा पार्टीको काममा लागिरहे ,” सुबेदीले भने ।
पत्रकार सम्मेलनमा कैलाली क्षेत्र नं ४ का नेकपा एमालेका २ सय २५ र अन्यपार्टीवाट गरि ३ सय ५८ जना डा .रावलको मातृभूमि अभियानमा समाहित भएको बताइएको छ । 
