रवि लामिछानेलाई आज अदालतमा उपस्थित गराइँदै
पोखरा : सहकारी ठगी र संगठित अपराध मुद्दामा परेका राष्ट्रिय स्वतन्त्र पार्टी (रास्वपा)का सभापति रवि लामिछानेलाई आइतबार कास्की जिल्ला अदालतमा उपस्थित गराइने भएको छ ।
प्रहरीले म्याद थपका लागि लामिछानेलाई अदालतमा उपस्थित गराउन लागेको हो ।
प्रहरीको केन्द्रीय अनुसन्धान ब्युरो (सीआईबी) ले शुक्रबार काठमाडौंबाट लामिछानेलाई पक्राउ गरेको थियो । उनलाई स्थलमार्ग हुँदै शनिबार बिहान पौन ३ बजे पोखरा ल्याइएको थियो ।
यही मुद्दामा यसअघि छविलाल जोशी पक्राउ परेका छन् । उनको बयान सकिएको जिल्ला प्रहरी कार्यालय कास्कीका प्रवक्ता डीएसपी वसन्तकुमार शर्माले जानकारी दिएका छन ।
