गाेदावरीकाे सृजनशिल महिला विकास सहकारीले मनायो तीज विशेष कार्यक्रम

संस्थाकी अध्यक्ष भावना खड्काको सभापतित्वमा आयोजित कार्यक्रमकी प्रमुख अतिथि सुदूरपश्चिम प्रदेशकी सांसद खेमा देवी विष्ट रहेकी थिईन भने विशिष्ठ अतिथिमा गोदावरी नगरपालिकाकी उपप्रमुख शारदा रोकाया रहेकी थिईन । कार्यक्रममा वडा नं. ७ की वडाध्यक्ष कलावती साउँद, वडा नं. ८ का वडाध्यक्ष गोबिन्द चौधरी को पनि सहभागिता रहेको थियो ।

महिलाहरुको महान पर्व तीजको अवसरमा एक आपसमा सद्भाव, माया र शुभकामना आदान प्रदान गर्ने उद्देश्यले कार्यक्रमको आयोजना गरिएको संस्थाकी अध्यक्ष खड्काले बताईन । उनले महिलाहरुको सहकारी भएकाले महिलाहरुकै पर्वमा एकआपसमा सुख दुख साट्ने तथा दर खाने योजना अनुरुप कार्यक्रम सञ्चालन गरिएको बताईन । उनले सहकारीले प्रत्येक वर्ष तीजको अवसरमा रमाईलो स्वरुप कार्यक्रम आयोजना गर्ने गरेको बताईन ।

कार्यक्रममा सहकारीमा आवद्ध महिलाहरुको सहभागिता रहेको थियो । संस्थाकी सचिव मञ्जु चौधरीले स्वागत मन्तव्य व्यक्त गरेको कार्यक्रमको सञ्चालन संस्थाकी ऋण अधिकृत हरु पनेरुले गरेकी थिईन । भने कार्यक्रममा सयाै महिला सेयर सदस्यहरुकाे सहभागिता रहेकाे थियोे ।