कैलालीकाे गेटामा स्वास्थ्य विज्ञान विश्वविद्यालय पूर्णरुपमा संचालनको माग गर्दै प्रधानमन्त्री लाई ज्ञापन पत्र

उनले भने “३०० सैयाबाट सुरु गर्दै ६०० सैयाको पूर्णकालिक अस्पताल संचालन गरिनुपर्छ,राष्ट्रिय स्वास्थ्य विज्ञान विश्वविद्यालय सम्बन्धि विधेयक पास गर्नुका साथै ६०० सैयाको अस्पताल सञ्चालन गरियोस् । ” यद्यपी ६०० सैयाका लागि निर्मित भएको अस्पतालको संरचनामा हाल १०० सैया मात्र सञ्चालन भइरहेको र त्यो पनी पूर्वाधार बिना सञ्चालनमा आउनु दुःखद कुरा भएको उनले बताएका छन् । शहीद दशरथ चन्द राष्ट्रिय स्वास्थ्य विज्ञान विश्वविद्यालय स्थापनार्थ संघर्ष समितिले विधेयक रोकिएको बारेमा निगरानी राख्न समेत प्रधानमन्त्रीलाई आग्रह गरेको छ । समितिले बुधवार जिल्ला प्रशासन कार्यालय कैलाली मार्फत प्रधानमन्त्रीलाई ज्ञापन पत्र बुझाउँदै विश्वविद्यालयको विधेयक प्रतिनिधि सभामा पेस हुन किन र कसका कारण रोकिएको हो भन्ने बारेमा प्रधानमन्त्रीलाई निगरानी राख्न आग्रह गरेकाे  छ ।