धनगढी उपमहानगरले गर्याे पुनः गर्मि विदा , छिमेकि नगरले गरेनन अझै विदा
अत्तरिया : कैलालीको धनगढीमा पुनः तीन दिन गर्मी बिदा दिइएको छ । असार ५ गते देखि ७ गतेसम्म धनगढीमा विद्यालयमा बिदा दिइएको हो । अत्याधिक गर्मीका कारण विशेष गरी बालबालिका र विद्यार्थीमा पर्न गएको असुविधालाई मध्यनजर गरेर तीन दिन गर्मी बिदा दिने दिने निर्णय गरिएको धनगढी उपमहानगरपालिकाद्धारा जारी सूचनामा उल्लेख छ ।
उपमहानगरपालिकाले मंगलबार एक सूचना जारी गर्दै हाल अत्यधिक गर्मीका कारण बालबालिका तथा विद्यार्थीहरुको स्वास्थ्यमा पर्न सक्ने प्रतिकुल असरलाई मध्यनजर गर्दै उपमहानगरपालिका अन्तर्गतका सम्पूर्ण विद्यालयमा अध्यन/अध्यापन नगराई बिदाको व्यवस्था मिलाउन भनेको छ ।
उपमहानगरपालिकाले गर्मीलाई मध्यनजर गर्दै यसअघि जेठ १८ देखि २४ सम्म विद्यालयमा बिदा दिएको थियो । तर याे अत्याधिक गर्मि बढि रहदा पनि नजिकका नगरपालिकाहरुमा विद्यालयमा विदा गरेकाे पाईदैन । मनसुनका कारण पानी नपर्दा निरन्तर गर्मि बढिरहेकाे छ ।
