एसईई आइडल सिजन-३ सम्पन्न : कामना र अनु बनिन यस वर्षका अाईडल

उक्त नृत्य तथा गायन प्रतियोगिताको गायन तथा नृत्यतर्फको विजेता क्रमशः कामना देउवा तथा अनु देउवा बनेका छन् । यससँगै उनीहरुले जनही ५० हजार रुपैयाँ नगद पुरस्कार समेत प्राप्त गरेका छन् । विजेता द्धयले अत्तरिया लाेटस गल्लीमा रहेकाे अत्तरिया प्लानेट भिटी इन्स्टिच्युटमा कम्प्युटर तथा ब्रिज कोर्ष अध्ययन गरिरहेका  साथै  अत्तरियाकाे दुर्गा लक्ष्मी नमूना मा.वि.बाट एसईई परिक्षा दिएका थिय  । साथै उपविजेतामा गायन तर्फ मनि महता तथा नृत्यतर्फ सन्ध्या थापा मगर बन्न सफल भएका छन् ।

प्रभात मिडिया धनगढीको आयोजना तथा रेडिकल एकेडेमी अफ साइन्स एण्ड टेक्नोलोजीको मुख्य सहयोगमा उक्त प्रतियोगिता सम्पन्न भएको थियो । साथै , अन्य सहयोगीका रुपमा प्रदेश युवा परिषद , वाईवाई लगायत विभिन्न संघसंस्था रहेका छन् । यस्ताे किसिमकाे कार्यक्रमवाट विद्यार्थीहरुमा लुकेर रहेका प्रतिभाहरुकाे उजागर गर्नमा ठुलाे टेवा पुग्ने गर्दछ ।