शुक्रबार वडा भेलामार्फत वडा सदस्य शेर बहादुर तामाङ्ले ७१ लाख ८४ हजार ५८६.६० को बजेट सार्वजनिक गरेका हुन् । वडाले भौतिक पूर्वाधार विकास तर्फ ३१ लाख , सामाजिक विकास तर्फ १७ लाख ७५ हजार विनियोजन गरिएको वडा सदस्य तामाङ्गले बताएका छन।
त्यसै गरी आर्थिक विकास तर्फ ७ लाख , वातावरण तथा विपद व्यवस्थापनका लागि १० लाख ९ हजार ५८६.६० र सार्वजनिक सेवा तथा संस्थागत क्षमता विकासका लागि ६ लाख बजेट विनियोजन गरिएको छ ।
वडा अध्यक्ष रवीन्द्र शाहीको अध्यक्षतामा आयोजित वडा भेला कार्यक्रममा नगर उप -प्रमुख शारदा देवी रोकाया, नगर प्रवक्ता तथा वडा न १ का वडा अध्यक्ष गोपाल दत्त भट्ट, वडा नं १२ का वडा अध्यक्ष भीम बहादुर खड्का, वडा नं ११ का वडा अध्यक्ष प्रेम सिंह बडैला, वडा नं ३ का वडा अध्यक्ष तेज राज अवस्थी, कार्यपालिका सदस्यहरू, लगायत विभिन्न स्थानिय राजनीतिक दलका प्रतिनिधि, संघसस्थाका प्रतिनिधि तथा वडाबासीको सहभागिता रहेको थियो ।
