नेपाली सेनाको भोगाधिकारविरुद्ध अान्दाेलन गर्न अत्तरियाबासी भए एकजुट

शनीबार गोदावरी नगरपालिकाले सेनाले भोकाधिकार लिएको जग्गा प्रती असन्तुष्टि जनाउँदै स्थानीय राजनीतिक दल र नागरिकसंग अन्तरक्रिया गरेको छ ।

अत्तरिया बसपार्कमा शनिबार ६१ घर परिवारका सदस्यको उपस्थितिमा सबै राजनीतिक दलका नेताहरु तथा पत्रकारको सहभागीतामा बिचार गोष्टि आयोजना गरिएको हो ।

गोष्टिका सहभागीहरुले नेपाल सेनाले अत्तरिया बसपार्क त्यहाँ रहेका ६१ घरधुरी सहित को क्षेत्र आफ्नो भोकाधिकारमा राखेको भन्दै आक्रोश व्यक्त गरे । उनीहरुले सेनाको कदम विरुद्ध जनता सडकमा आउनुपर्ने स्थिति बन्न नदिन सरकार सचेत बन्नुपर्ने बताएका छन् ।

नेपाली सेनाले शाहीकालको निर्णय अनुसार अत्तरिया बसपार्क , लामिताल र ६१ घरधुरी सहित को जग्गा आफ्नो भोकाधिकारमा परेको भन्दै आएको छ ।

सेनाले बेला बेलामा आफ्ना प्रतिनिधिहरु पठाएर बसपार्क हटाउन सांकेतिक दबाब दिन थालेको स्थानीयको आरोप छ ।