गाेदावरीकाे श्रीपुर खानेपानीमा एमाले /काङ्ग्रेस गठवन्धनलाई पराजित गर्दै अध्यक्षमा साउँद निर्वाचित

समितिको सचिवमा साउँद प्यानलकै खेमराज ओझा निर्वाचित भएका छन । उनी ४ सय मत ल्याएर विजयी हुँदा उनका प्रतिद्धन्द्धि  गठवन्धनका गोपाल सिह साउँदले ३६३ मत पाएका थिए। कोषाध्यक्षमा भने शाही प्यानलका खगेन्द्र राज पनेरु निर्वाचित भएका छन । उनी ३९४ मत ल्याउँदै विजयी भएका हुन । उनको प्रतिद्धन्द्धि महानन्द भट्टले ३५६मत पाएका छन ।

सदस्यमा ३ जना साउँद प्यानलका र २ जना शाही प्यानलका विजयी भएका छन । साउँद प्यानलबाट सदस्यहरुमा शेखर पनेरु, घनश्याम जोशी, शुशिल राज उपाध्याय विजयी भएका छन भने क्रमश : पनेरु ३९०, जोशी ३८५ र उपाध्याय ३८२ मत ल्याउँदै विजयी भएका छन । शाहीको प्यानलबाट सदस्यहरुमा मेखराज फुलारा र नन्दा देवी साउँद विजयी भएका छन । फुलाराले ३७२ र साउँदले ३७५ मत ल्याएर विजयी भएका छन ।

निर्वाचित साउँदले  युवाहरुकाे स्वतन्त्र टिम वनाई उम्मेदवारी दिएका थिए भने शाहीले नेपाली कांग्रेस र एमालेकाे सयुक्त गठवन्धनका तर्फवाट उम्मेदवारी दिएका थिए । खानेपानीमा राजनितिक दललाई लामाे समयदेखि निर्वाचित गरिदै अाएकाे तर खिचातानीमात्रै हुने गरेकाले यसपटक स्वतन्त्र युवाहरुलाई अवसर दिएकाे अधिकांस स्थानियहरुले भनिरहेका थिए जसले गर्दा स्वतन्त्र उम्मेदवार जित्ने कि राजनीति दलका उम्मेदवार जित्ने भन्ने  निकै ठुलाे प्रतिस्पर्धा नै चलेको थियो ।  स्वतन्त्र युवा टिमले निर्वाचित भए लगत्तै ठुलाे जिम्मेवारी बढेकाे पाईन्छ । खानेपानीका अाम उपभोक्ताहरुले विजेता उम्मेदवार हरुका  अाजै देखि दिन गन्न सुरू गरेका पाईन्छ ।