लालपुरको श्रीपुर खानेपानी निर्वाचनमा उपाध्यक्षमा गाेतामे निर्विराेध निर्वाचित , अन्यका लागी १९ गते निर्वाचन हुदै
अत्तरिया : कैलालीको गोदावरी नगरपालिका– ७ लालपुरमा रहेको श्रीपुर खानेपानी उपभोक्ता तथा सरसफाई उपभोक्ता समितिको निर्वाचन यही फागुन १९ गते शनिबार हुने भएको छ । खानेपानीको नयाँ कार्यसमिति चयनका लागि शनिबार निर्वाचन हुन लागेको हो । निर्वाचनका लागि २ वटा टिम चुनावि प्रतिस्पर्धामा उत्रिएका छन ।
समितिको अध्यक्षका लागि दिर्घ बहादुर साउँद र चन्द्र बहादुर शाही भिड्ने भएका छन । अन्य पदाधिकारीहरुमा पनि साउँद र शाही प्यानलसहित निर्वाचनमा होमिएका छन । साउँदको प्यानलबाट उपाध्यक्षमा उम्मेदवारी दिएकी बिना गोतामे निर्वाचित भैसकेको निर्वाचन अधिकृत राजेन्द्र खड्काले जानकारी दिए । उनका अनुसार उपाध्यक्षका अर्का उम्मेदवार खडक बहादुर सार्कीले अाफुले दिएकाे उम्मेदवारी फिर्ता लिएपछि गोतामे निर्विरोध निर्वाचित भएकी हुन ।
यसैगरी साउँदकै प्यानलबाट सचिवमा खेमराज ओझा (बतास) र कोषाध्यक्षमा महानन्द भट्टले उम्मेदवारी दिएका छन । उक्त प्यानलबाट सदस्यहरुमा शेखर पनेरु, घनश्याम जोशी, शुशिल राज उपाध्याय, खुशीराम चौधरी र धना कुमारी ओझा रहेका छन ।
यस्तै अर्काे शाही प्यानलबाट सचिवमा गोपाल सिँ साउँद र कोषाध्यक्षमा खगेन्द्र राज पनेरुले उम्मेदवारी दिएका छन । उक्त प्यानलबाट सदस्यहरुमा मेखराज फुलारा, कुन्ती देवी मडै, पार्वती देवी विष्ट, नन्दा देवी साउँद र लक्ष्मण बहादुर साउँदले उम्मेदवारी दिएको निर्वाचन अधिकृत खड्काले जानकारी दिएका छन । निर्वाचनमा साउद प्यानलकाे चुनाव चिन्ह ट्याङ्की र अर्काे शाही प्यानलकाे चुनाव चिन्ह टुटी रहेकाे छ ।
अहिले दुवै समुह चुनावी प्रचारप्रसारमा लागिरहेका छन ।
