मंगलवार अत्तरिया महाेत्सवमा देखियो पल शाहको क्रेज, एकैदिन १८ लाखकाे टिकट बिक्री
अत्तरिया : मंगलवार कलाकार तथा नायक पल शाहको क्रेज अत्तरिया महाेत्सवमा पनि उस्तै देखिएको छ । पछिल्लो समय मञ्चहरुमा दर्शकहरुको उल्लेख्य साथ पाइरहेका पल शाहले अत्तरियामा जारी सुदूरपश्चिम प्रादेशिक महोत्सवमा पनि दर्शकको उल्लेख्य साथ समर्थन पाएका छन । 
मंगलबार महोत्सवमा एकैदिनमा १८ लाख बरावरकाे टिकट बिक्री भएकाे अायाेजकले वताएकाे छ । महाेत्सवमा अधिकांश दर्शक पल शाहकै प्रस्तुती हेर्न पुगेका थिए । साँझ ५ बजे मञ्चमा पल शाह चढ्दा उपस्थित हजारौ दर्शकले हुटिङ गरेर उनलाई साथ दिएका थिए । आयोजलाई दर्सककाे भिड समहाल्न समेत हम्मे हम्मे परेको थियो । बिभिन्न गितहरुमा नृत्य गरेका पल शाहले संगसंगै स्टेज नजिक उभिएका दर्शक संग हात मिलाउदै अभिनन्दन पनि गरिरहेका थिए ।
आयोजकका अनुसार मंगलबार ३० हजार बढी दर्शकले महोत्सव स्थलमा प्रवेश गरेकाे जानकारी छ । जुन अहिलेसम्म का मेलाहरुभन्संदा वढि ठूलो संख्या हो । यसअघि सोमबार पनि करिब २० हजार दर्शकले अवलोकन गरेका थिए । सोमबार सिताराम कट्टेल (धुर्मुस) र कुञ्जना घिमीरे (सुन्तली) सहित टेक बोगटी, टेक बिसी, आस्मा भण्डारी र सौगात ओझाकोे प्रस्तुती रहेको थियो ।
मंगलबार पल शाह संगै एलिना चौहान, डेउडा गायक भुवन दाहाल, अनिता चलाउने, श्रृजना खत्री र दुर्गा भट्ट लगायतका कलाकारले आफ्नो प्रस्तुती प्रस्तुत गरेका थिए ।
अत्तरियाको लामीताल परिसरमा जारी महोत्सवमा माघ ७ गतेसम्म संचालन हुने छ । महोत्सवमा बुधबार पुष्कल शर्मा, टंक तिमिल्सिना, टिका जैसी, रेस विसी, रमेश मल्ल, अमृत नाथ लगायतका कलाकारले प्रस्तुती राख्ने अत्तरिया उद्योग वाणिज्य संघका कलासँस्कृति संयोजक रमेश भट्टराईले बताएका छन ।
