गोदावरीकाे चैतन्यपुरमा रहेकाे नवदुर्गा भगवति मन्दिरमा २० गतेदेखी ज्ञान विज्ञान सप्ताह महायज्ञ लाग्ने

शनिबार पत्रकार सम्मेलनको आयोजना गर्दै यहि पौष २० गते देखी २६ गते गतेसम्म ज्ञान विज्ञान सप्ताह महायज्ञ लाग्ने आयोजक नवदुर्गा भगवति मन्दिर व्यवस्थापन समितिले जनाएको छ । मन्दिरको स्तरोन्ती, सनातन संस्कृतिको संरक्षण तथा पर्यटकिय स्थल निर्माणका लागि महायज्ञ लगाउन थालिएको महायज्ञ व्यवस्थापन समितिका संयोजक मान बहादुर बलायरले बताए । महायज्ञ सफलता पुर्वक सम्पन्न गर्नका लागि विभिन्न समितिहरु निर्माण गरिएको उनले बताए ।

महायज्ञमा प्रवचन अच्युत शरण महाराजले गर्नेछन् । मन्दिरको उक्त प्रयासलाई सफल पार्न सक्दो सहयोग गर्न आग्रह गरे । यसैबीच मन्दिर परिसरमा रहेको भवनमा महायज्ञ व्यवस्थापन समितिको सचिवालयको स्थापना गरिएको छ ।

शनिबार एक औपचारिक कार्यक्रमको आयोजना गरी पत्रकार सम्मेलन गरिएको थियो । महायज्ञ कार्यक्रमका संयोजक मान बहादुर बलायरको सभापतित्वमा भएको कार्यक्रममा गोदावरी नगरपालिका वडा नम्बर १ का वडा सदस्य गम्भीर साउँद प्रमुख अतिथी रहेका थिए । कार्यक्रममा अच्युत शरण महाराज बिशिष्ठ अतिथी रहेका थिए भने मन्दिर व्यवस्थापन समितिका अध्यक्ष हरि प्रसाद कापडी, नेकपा एमालेका युवा नेता छबिन्द्र नाथ योगी लगायत स्थानियको उपस्थिती रहेको थियो । कार्यक्रम सञ्चालन महायज्ञ व्यवस्थापन समितिका सचिव खेम राज भट्टले गरेका थिए ।