बैतडीकाे डिलाशैनी गाउँपालिकाका निवर्तमान अध्यक्ष बोहराको निधन

बैतडी: बैतडीको डिलाशैनी गाउँपालिकाका निवर्तमान अध्यक्ष उकेन्द्र बोहराको बिहीबार निधन भएको छ । बाेहराकाे ४५ वर्षको उमेरमा धनगढीस्थित सेती प्रादेशिक अस्पतालमा उपचारका क्रममा निधन भएको हो । विगतमा क्षयरोगबाट प्रभावीत बोहरालाई शारिरिक समस्या देखिएपछि बुधबार उपचारका लागि धनगढी लगिएको थियाे ।

बाेहराकाे उपचारकाे क्रममा बिहीबार बिहान निधन भएको नेकपा एमाले बैतडीका उपसचिव लाेकेन्द्र भण्डारीले जानकारी दिनुभयाे ।
बोहरा २०७४ सालको स्थानीय निर्वाचनमा नेकपा एमालेबाट गाउँपालिका अध्यक्ष निर्वाचित हुनुभएका थिए।

नेकपा एमाले बैतडी जिल्ला कमिटी सचिवालय सदस्य समेत रहेका बोहराको अकल्पनिय निधनले सिंगो पार्टीलाई दुखित तुल्याएको पार्टी उपसचिव भण्डारीले बताउनुभयाे ।