माओवादी लडाकूका लागि नेपाली सेनामा गरिएको चलखेल स्वीकार्य हुँदैन : डा. शेखर कोइराला
काठमाडौं : नेपाली कांग्रेसका नेता डा. शेखर कोइरालाले नेपाली सेनामा माओवादीको पूर्व लडाकूका लागि नियमको दुरुपयोग गरी भएको चलखेल स्वीकार्य नभएको बताएका छन् ।![](https://farwestkhabar.com/wp-content/uploads/2023/10/Screenshot_2023_1015_083331-400x220.jpg)
पूर्व लडाकु सहायक रथी यमबहादुर अधिकारीलाई सेनापति बनाउन चलखेल शुरू भएको समाचार बाहिरिएपछि आईतबार बिहान सामाजिक सञ्जालमार्फत नेता कोइरालाले चलखेल स्वीकार्य नहुने स्पष्ट पारे ।
उनले लेखेका छन्, ‘नेपाली सेनाजस्तो राष्ट्रिय सुरक्षासँग जोडिएको र सधैं राजनीतिबाट अलग रहेको संस्थामा माओवादीका पूर्व लडाकूका लागि नियमको दुरुपयोग गर्ने चलखेल स्वीकार्य छैन ।’
सेनामा गरिने राजनीतिक चलखेलले दुर्घटना निम्त्याउने कोइरालाको चिन्ता छ । उनले लेखेका छन्, ‘सेनामा गरिने राजनीतिक चलखेलले दुर्घटना निम्त्याउने हुँदा यस्तो कार्य नगरौं । सम्बन्धित निकायहरूलाई यो कुराको हेक्का होस् ।’
माओवादीका पूर्व लडाकू तथा नेपाली सेनाका सहायक रथी यमबहादुर अधिकारी ‘प्रतीक्षा’को पदावधि सरकारले ३ वर्ष थपेकोमा नेता कोइरालाले आपत्ति जनाएका छन् । असोज १ गतेदेखि अवकाशमा जान लागेका अधिकारीको पदावधि सरकारले थपेको छ ।