मुल्यवृद्धि भएसँगै नागरिकहरुलाई नदीजन्य पदार्थका लागि समस्या भएकाले दररेटको पुनरावलोन गर्न मुख्यमन्त्री शाहलाई ज्ञापन पत्र बुझाईएको उनले बताए । गएकाे वर्षको भन्दा दोब्बरले नदीजन्य पदार्थको रोयल्टी शुल्क बृद्धि गर्दा नागरिकलाई आर्थिक भार पर्न थालेकाले कार्यपालिकाबाट नदीजन्य पदार्थको मुल्यमा पुनरावलोकन गरिनुपर्ने निर्णय गरिएको उनले मिडियालाई बताए ।

‘गत वर्षको भन्दा दोब्बरले रोयल्टी शुल्क बढाईएको छ, यसले ट्याक्टर व्यवसायी मात्रै नभई आम सर्वसाधारणलाई समेत समस्या भयो’ उनले भने ‘त्यसैले कार्यपालिका बैठकबाट निर्णय गरेर मुख्यमन्त्रीज्यू समक्ष ज्ञापन पत्र बुझाएका हौ ।’

नदीजन्य पदार्थको रोयल्टी शुल्क प्रदेश सरकारले नै तोक्ने गरेको छ । गत वर्ष रोयल्टी शुल्क वाफत रु. १२० तोकिएको थियो भने चालु आर्थिक वर्षका लागि उक्त रकम बढाएर २४० पुर्याईएको छ । जसले गर्दा आम सर्वसाधारणलाई नदीजन्य पदार्थको प्रयोगका लागि विगतको भन्दा दोब्बर रकम तिर्नुपरेको छ ।