१४ वर्षपछि धनगढी–दीपायल द्रुतमार्गको ट्रयाक खुल्यो

अत्तरिया / निर्माण सुरु भएको १४ वर्षपछि धनगढी–दीपायल द्रुतमार्गको ट्रयाक खुलेको छ। संघीय सरकारले योजना कार्यालय स्थापना गर्दै निर्माण गरिरहेको सडकको ट्रयाक खुलेको हो। योजना प्रमुख लक्ष्मण रावलले धनगढीदेखि दीपायलसम्म ८५ किलोमिटर ट्रयाक खोलिएको बताए।
‘मोड सुधार र केही ठाउँमा ग्रेडको काम मात्रै बाँकी छ,’ रावलले भने, ‘तर धनगढीदेखि दीपायलसम्म फास्ट ट्रयाक नै भएर गाडी चलाउन मिल्ने गरी सडक तयार भइसकेको छ।’ उनका अनुसार अहिले पनि ८ वटा ठेक्का चालू अवस्थामा छन् भने केहीको अवधि सकिएको छ।

‘६ वटा ठेक्कामार्फत सडक सुधारको काम भइरहेको छ भने बाँकी दुई ठेक्कामार्फत कालोपत्रेको काम थालिएको छ,’ उनले भने, ‘धनगढीदेखि कैलाली खण्डमा १३ किलोमिटर र डोटीमा ९ किलोमिटर सडक कालोपत्रेका लागि ठेक्का भइसकेको हो।’

१४ वर्षसम्म के –के भयो सडक निर्माणमा ?
२०६५ सालमा धनगढीका केही युवाहरुले विभिन्न संस्थाहरुको सहयोगमा कैलालीको खुटियादेखि दीपायल जोड्ने सडकको सर्भे गरे। धनगढी–डडेल्धुरा–डोटीको सडकभन्दा आधा छोटो हुने देखिएपछि द्रुतमार्गको रुपमा अगाडि बढाउने योजना भयो।

तत्कालिन अर्थमन्त्री युवराज खतिवडाले प्रस्तुत गरेको आर्थिक वर्ष २०७५र०७६ को बजेट भाषणमा पनि खुटिया–विपिनगर–दीपायल सडक अटायो। बजेट भाषणको १६९ नम्बरमा भनिएको थियो, ‘खुटिया–विपिनगर–दीपायल सडकसहित देशका सात वटा लोकमार्ग सर्भेक्षण गरी सुरुङ्गमार्ग निर्माण प्रारम्भ गरिने छ।’
उपभोक्ता समितिमार्फत उक्त सडक निर्माण गर्न सम्भव नभएपछि नेपाल सरकारले नै २०६६र०६७ बाट वार्षिक नीति तथा कार्यक्रम र त्यसपछि बजेटमा उक्त योजनालाई समावेस गरेको थियो। त्यस यताका अधिकांश वार्षिक नीति, कार्यक्रम तथा बजेटमा उक्त योजनाले स्थान पायो। तर कामले भने गति लिन सकेन।

तत्कालिन अर्थमन्त्री युवराज खतिवडाले प्रस्तुत गरेको आर्थिक वर्ष २०७५र०७६ को बजेट भाषणमा पनि खुटिया–विपिनगर–दीपायल सडक अटायो। बजेट भाषणको १६९ नम्बरमा भनिएको थियो, ‘खुटिया–विपिनगर–दीपायल सडकसहित देशका सात वटा लोकमार्ग सर्भेक्षण गरी सुरुङ्गमार्ग निर्माण प्रारम्भ गरिने छ।’

सुरुङमार्गको योजना अगाडि नबढे पनि द्रुतमार्गअन्तर्गत ट्रयाक खुलेपछि कैलालीको पहाडी क्षेत्र, डोटी, अछाम, बाजुराका बासिन्दालाई सहज हुने अपेक्षा गरिएको छ। ट्रयाक खुलेसंगै कैलाली र डोटीमा द्रुतमार्गको सपना बुन्दै बनाएका बगैंचामा फलेका कृषि उपजले बजार पाउने अपेक्षा पनि गरिएको छ।

यद्यपी सडक निर्माणका क्रममा पटकपटक स्वामित्व विवाद पनि देखिएको थियो। संघीय सरकारले ०७५ मंसिर ४ गते सडक निर्माणको जिम्मा प्रदेश सरकारलाई दिएको थियो। तर त्यसको दुई महिनापछि माघ २१ गते संघीय सरकारले उक्त योजना खोसेको थियो।

मुख्यमन्त्रीद्वारा अनुगमन
सुदूरपश्चिम प्रदेशका मुख्यमन्त्री त्रिलोचन भट्टले धनगढी–दीपायल द्रुतमार्गको अनुगमन गरेका छन्। द्रुतमार्गअन्तर्गत कैलालीको चुरे गाउँपालिका वडा नम्बर १ क्षेत्रमा मुख्यमन्त्री भट्टले सडकको अनुगमन गरेका हुन्। सो क्रममा स्थानीयसंग कुराकानी गर्दै मुख्यमन्त्री भट्टले ट्रयाक खोल्ने काम सम्पन्न भएको बताउदै भने, ‘चौडा बनाउदै सडक व्यवस्थित गर्ने काम छिट्टै हुन्छ।’

उनले गत वर्ष नै ट्रयाकको काम सम्पन्न भइसक्नु पर्नेमा केही ढिलाई भएको बताए। यसअघि मुख्यमन्त्री भट्टले ०७५ कात्तिकमा पनि द्रुतमार्गको अनुगमन गरेका थिए। ‘नेपाल सरकारले राष्ट्रिय गौरवको योजनामा राख्दै पहिलो प्राथमिकतामा राखेर बजेट विनियोजन गर्नुपर्ने हो,’ ०७५ कात्तिकमा दु्रतमार्गको कैलाली खण्ड अनुगमन गर्ने क्रममा मुख्यमन्त्री भट्टले भनेका थिए, ‘आगामी जेठ महिनाभित्रै धनगढीदेखि दीपायलसम्म यातायात सञ्चालन हुन्छ।’अब पूर्ण रुपमा खुटीया दिपायल द्रुतामार्ग जोडीएको छ । मंगलवार निर्माणधीन उक्त सड्क खण्ड जोडिए संगै सुदुरपश्चिम प्रदेशका मुख्यमन्त्री त्रिलोचन भट्ट सोहि सड्क खण्ड हुदै दिपायल जाने भएका छन् ।