किसानहरुले आफ्नो हानी नोक्सानीको विवरण प्रहरी मुचुल्कासहित वडामा पेश गर्नु पर्ने

अत्तरिया– असोज ३१ गते आइतबार साँझदेखि लगातार तीन दिन सम्म परेको बेमौसमी अविरल बर्षाका कारण भएको हानी नोक्सानीको विवरण प्रहरी मुचुल्कासहित बुझाउन कैलालीको गोदावरी नगरपालिका वडा नम्बर १ को कार्यालयले सूचना निकालेको छ । बमौसमी बर्षाका कारण वडामा के कति क्षेती भयो सामुहिक रुपमा प्रहरी मुचुल्का बनाइ वडा कार्यालयमा बुझाउनु पर्ने वडा अध्यक्ष तथा नगरपालिकाका प्रवक्ता शर्मानन्द भट्टटले बताए ।

प्रदेश सरकार र केन्द्रिय सरकारले दिने क्षतीपूर्ति पाउनबाट कुनै पनि किसन ठगिन नपरोस भनि प्रहरी मुचुल्कासहित विवरण पेश गर्न सूचना निकालेको भट्टले बताए । नेपाल सरकारबाट पाउने राहात सबै नागरिकले पाउन । नगरपालिका भरी कति हानी नोक्सानी भएको छ भन्ने बारेमा हाम्रो टोलीले पनि विवरण तयार पारीरहेको छ । तर सामुहिक रुपमा प्रहरी मुचुल्का बनाएको खण्डमा कुनै पनि किसानहरुले ठगिनु पर्ने अबस्था नआउने भएकोले हामीले यस्तो सूचना निकालेका हौं । उनले भने ।

नगरपालिका भरी कति हानी नोक्सानी भयो भन्ने एकिन छैन । विवरण संकल भइरहेका छ । भट्टले भने ‘हाल सम्म कुनै एकिन विवरण आएको छैन । ठुलो मात्रामा नोक्सानी भएको हुँदा सबै विवरण आउन केहि समय लाग्न सक्छ । केहि ठाउँमा नदीदे खटान गरेको छ । एक जना खुटिया नदीले बगायो । धान बाली र अन्य बालीमा कति नोक्सानी भयो अहिले नै भन्न सकिने अस्था छनै ।’

बेमौसमी अविरल बर्षाका कारण कैलाली र कञ्चनपुरमा अधिकांश किसानको धान नष्ट भएको छ । काटेर खेतमा राखेको र नकाटेको सबै धान नष्ट भएको भट्टले बताए । नगरपालिका भरी भएको सबै हानी नोक्सानीको विवरण संकलन गरी छिटै प्रदेश सरकार र कृषी ज्ञान केन्द्रमा बुझाउने उनले बताए । धान बाली, तरकारी बाली, पशुपंक्षी र पशु चौपायामा भएको हानी नोक्सानीको विवरण प्रहरी मुचुल्का सहित बुझाउनु पर्ने सूचनामा उल्लेख गरीएको छ ।